Makita EN424MP Betriebsanleitung Seite 156

PARALAJMËRIME SIGURIE
Paralajmërime sigurie për gërshërët
e barit me bateri
1. Mos i përdorni gërshërët e barit në kushte të këqija
atmosferike, veçanërisht kur ka rrezik për vetëtima.
Kjo redukton rrezikun e goditjes nga vetëtima.
Mbajini të gjithë kordonët e energjisë dhe
2.
kabllot larg nga zona e prerjes. Kordonët e
energjisë ose kabllot mund të fshihen dhe mund të
priten aksidentalisht nga fleta.
3. Mbani mbrojtëse për veshët. Pajisjet e
përshtatshme mbrojtëse ulin rrezikun e humbjes
së dëgjimit.
Mbajini gërshërët e barit vetëm te sipërfaqet
4.
e izoluara të kapjes sepse fleta mund të prekë
tela të fshehur. Nëse fletët prekin një tel me
rrymë atëherë pjesët metalike të gërshërëve të
barit elektrizohen dhe mund t'i japin përdoruesit
goditje elektrike.
5. Mbajini të gjitha pjesët e trupit larg fletës.
Mos e largoni materialin e prerë dhe mos e
mbani materialin që do të prisni kur fletët janë
në lëvizje. Fletët vazhdojnë të rrotullohen pasi
çelësi të jetë fikur. Një moment hutimi ndërkohë
që përdorni gërshërët e barit mund të rezultojë në
lëndim të rëndë personal.
6. Gjatë pastrimit të materialit të ngecur ose
kryerjes së shërbimit të gërshërëve të barit,
sigurohuni që çelësi elektrik të jetë fikur
dhe paketa e baterisë të jetë e hequr ose e
shkëputur. Aktivizimi i papritur i gërshërëve të
barit gjatë pastrimit të materialit të ngecur ose
kryerjes së shërbimit mund të rezultojë në lëndime
të rënda personale.
7. Transportojini gërshërët e barit nga doreza
me fletën të ndaluar dhe kujdesuni që të mos
e vini në punë çelësin e energjisë. Transportimi
i duhur i gërshërëve të barit do të ulë rrezikun
e nisjes aksidentale dhe lëndimeve personale
rezultuese nga fletët.
8. Përdorni gjithmonë kapakun e fletës gjatë
transportimit ose ruajtjes së gërshërëve të
barit. Përdorimi i duhur i gërshërëve të barit do të
reduktojë rrezikun e lëndimit personal nga fletët.
Udhëzime shtesë mbi sigurinë
Udhëzime të përgjithshme
1. Për të siguruar funksionimin e duhur,
përdoruesi duhet të lexojë manualin e
përdorimit që të njihet me mënyrën e
përdorimit të pajisjes. Përdoruesit jo të
mirinformuar vënë në rrezik veten dhe të tjerët për
shkak të përdorimit jo të duhur.
2. Mos i lejoni asnjëherë fëmijët, personat me
aftësi të kufizuara fizike, ndijore ose mendore,
ose me mungesë përvoje dhe njohurish, apo
njerëzit që nuk i njohin këto udhëzime, të
përdorin pajisjen, rregulloret lokale mund të
kufizojnë moshën e operatorit.
Përdoreni pajisjen me kujdes dhe vëmendje
3.
maksimale.
4. Përdoreni pajisjen vetëm nëse jeni në gjendje
të mirë fizike. Kryejini të gjitha punët me
qetësi dhe kujdes. Përdorni logjikën dhe kini
parasysh se përdoruesi është përgjegjës për
aksidentet apo rreziqet që mund t'u kanosen
personave të tjerë apo pronës së tyre.
5. Mos e përdorni kurrë pajisjen nëse ka njerëz
pranë, sidomos fëmijë apo kafshë shtëpiake.
6. Motori duhet të fiket menjëherë në rast se pajisja
shfaq ndonjë problem ose shenjë anomalie.
7. Fikeni pajisjen dhe hiqeni kutinë e baterisë kur
pushoni dhe kur e lini pajisjen pa mbikëqyrje
dhe vendoseni në një vend të sigurt për të
parandaluar rrezikun ndaj të tjerëve ose
dëmtimin e pajisjes.
8. Shmangni përdorimin e makinerisë në kushte
të këqija atmosferike, veçanërisht kur ka rrezik
për vetëtima.
Pajisje për mbrojtje personale
1. Mbani mbrojtëse për sytë dhe këpucë të forta
gjatë gjithë kohës së përdorimit të makinerisë.
2. Gjithmonë vishni këpucë të përshtatshme dhe
pantallona të gjata gjatë përdorimit të pajisjes.
Ndezja e pajisjes
1. Sigurohuni të mos ketë fëmijë ose njerëz të
tjerë pranë dhe kini kujdes për kafshët pranë
zonës së punës. Përndryshe, ndaloni përdorimin
e pajisjes.
Gjatë përdorimit, mbajini personat e
2.
pranishëm ose kafshët të paktën 15 m larg nga
vegla. Fikeni veglën sapo të afrohet dikush.
3. Kontrolloni gjithmonë që pajisja të jetë e sigurt
për përdorim para se ta përdorni. Kontrolloni
sigurinë e veglës prerëse, të mbrojtëses dhe
levës/këmbëzës së çelësit për veprim të lehtë
dhe të duhur. Kontrolloni që dorezat të jenë të
pastra dhe të thata dhe testoni funksionin e
ndezjes/fikjes.
4. Kontrolloni pjesët e dëmtuara përpara
përdorimit të mëtejshëm të pajisjes. Mbrojtësja
ose ndonjë pjesë tjetër që është dëmtuar duhet
të kontrollohet me kujdes për të përcaktuar që
punon siç duhet dhe kryen funksionin e synuar.
Kontrolloni bashkërenditjen e pjesëve lëvizëse,
lidhjen e pjesëve lëvizëse, prishjen e pjesëve,
montimin dhe ndonjë rrethanë tjetër që mund
të ndikojë në funksionimin e saj. Mbrojtësja
ose ndonjë pjesë tjetër e dëmtuar duhet të
riparohet siç duhet ose të ndërrohet nga
qendra jonë e autorizuar e shërbimit, përveçse
udhëzohet ndryshe diku tjetër në manual.
5. Ndizeni motorin vetëm kur t'i keni duart dhe
këmbët larg veglës prerëse.
Para se ta ndizni, sigurohuni që vegla prerëse
6.
nuk prek objekte të tjera.
Mbajeni veglën fort gjatë përdorimit.
7.
Shmangni ndezjen e paqëllimshme. Mos e
8.
transportoni veglën kur kutia e baterisë është
e instaluar dhe me gishtin në çelës. Sigurohuni
që çelësi të jetë fikur gjatë instalimit të kutisë
së baterisë.
Përpara përdorimit, kontrolloni zonën e punës
9.
për gardhe me tela, gurë ose objekte të tjera të
forta. Ato mund të dëmtojnë fletët.
156 SHQIP