Dolmar PM-411 C Original Bedienungsanleitung Seite 203

7-5 PËR REZULTATE MË TË MIRA GJATË
KOSITJES
Pastroni fushën e barit nga mbeturinat. Sigurohuni që
fusha të jetë pa gurë, shkopinj, tela apo gjësende të tjera
të huaja që mund të flaken përreth nga kositësja në
drejtime të ndryshme duke shkaktuar lëndime të rënda
për manovruesin apo njerëz të tjerë si dhe dëmtime të
pronës dhe të objekteve rrethuese. Mos prisni barin e
lagur. Për kositje efikase mos prisni barin e lagur pasi ka
prirje të ngjisë në pjesën e poshtme të platformës duke
parandaluar kositjen e duhur të fijeve. Mos prisni më
shumë se 1/3 e gjatësisë së barit.
Prerja e rekomanduar për kositje është 1/3 e gjatësisë së
barit. Shpejtësia në terren do të duhet rregulluar në
mënyrë që pjesët e prera të mund të shpërndahen
njëtrajtshëm në fushë. Për prerje të rënda në bar të trashë
mund të nevojitet përdorimi i një prej shpejtësive më të
ngadalta për të pasur prerje me kositjen e duhur. Kur
kositni bar me fije të gjata mund t'ju duhet ta prisni në dy
kalime, duke e ulur tehun dhe 1/3 tjetër të gjatësisë së
barit për prerjen e dytë dhe mbase dhe të prisni në motiv
tjetër nga ai i përdorur në kalimin e parë.
Mbivendosja e prerjes në çdo kalim do të ndihmojë në
pastrimin e copave të mbetura në fushë. Kositësja duhet
të punohet gjithnjë në shpejtësi të plotë për të pasur
prerjen më të mirë dhe për t'i mundësuar të kositë më me
efikasitet. Pastroni pjesën e poshtme të platformës.
Sigurohuni të pastroni pjesën e poshtme të platformës
prerëse pas çdo përdorimi për të shmangur mbledhjen e
barit, çka do të parandalonte mulkimin e duhur.
Kositja e gjetheve: Kositja e gjetheve mund të jetë
gjithashtu e mirë për fushën. Kur kositni gjethe sigurohuni
të jenë të thata dhe të mos jenë shumë të dendura mbi
fushë. Mos prisni të bien të gjitha gjethet nga pemët
përpara se të kositni.
VINI RE: Nëse godisni sende të huaja, ndalojeni
motorin. Hiqeni telin nga kandela, inspektoni me kujdes
kositësen për dëmtime të mundshme dhe riparojini
dëmtimet përpara se të rindizni dhe të vini në punë
kositësen. Dridhjet e tepërta të kositëses gjatë përdorimit
janë tregues të dëmtimit të pajisjes. Pajisja duhet
inspektuar në çast dhe duhet riparuar.
7-6 MBLEDHËSJA E BARIT
Zbrazni dhe pastroni trastën, sigurohuni që të jetë e
pastër dhe që rrjeta të ajroset. (Fig. 23)
7-7 PLATFORMA
Pjesa e poshtme e platformës së kositëses duhet të
pastrohet pas çdo përdorimi për të parandaluar mbledhjen
e copave të barit, gjetheve, papastërtive apo materialeve
të tjera. Nëse lejohen të mblidhen papastërtitë, do të
krijohen kushte për ndryshkje dhe gërryerje dhe mund të
pengohet mulkimi i duhur. Platforma mund të pastrohet
duke e anuar kositësen dhe duke e pastruar me një vegël
të posaçme (sigurohuni që keni hequr telin e kandelës).
7-8 UDHËZIMET PËR RREGULLIMIN E
LARTËSISË
KUJDES: Mos i bëni kurrë rregullime kositëses
së barit pa ndaluar më parë motorin dhe pa shkëputur
telin e kandelës.
KUJDES: Përpara se të ndryshoni lartësinë e
kositjes, ndalojeni kositësen dhe shkëputni kordonin e
kandelës. Kositësja është e pajisur me levë qendrore të
rregullimit të lartësisë me 5 nivele.
1. Ndalojeni kositësen dhe shkëputni kordonin e
kandelës përpara se të ndryshoni lartësinë e prerjes
së kositëses.
2. Leva qendrore e rregullimit të lartësisë ofron 5 nivele
të ndryshme të lartësisë.
3. Për të ndryshuar lartësinë e prerjes, shtypeni levën
rregulluese drejt rrotës, duke e lëvizur lart ose poshtë
në lartësinë e dëshiruar.(Fig. 24). Të gjitha rrotat do të
jenë në të njëjtën lartësi prerjeje.
8. UDHËZIMET E
MIRËMBAJTJES
KANDELA
Përdorni vetëm kandela origjinale për ndërrim. Për
rezultate më të mira, zëvendësojeni kandelën çdo 100
orë pune. (referojuni MANUALIT TË PËRDORIMIT TË
MOTORIT)
FERROTAT
Kontrolloni dhe/ose ndërroni rregullisht ferrotat e motorit
tek agjenti i shërbimit, vetëm pjesë origjinale mund të
përdoren si pjesë këmbimi.
9. UDHËZIMET PËR VAJOSJEN
KUJDES: SHKËPUTENI KANDELËN PËRPARA
VEPRIMEVE TË MIRËMBAJTJES.
1. RROTAT - Vajosini kushinetat e çdo rrote së paku një
herë për seancë me vaj të lehtë.
2. MOTORI - Ndiqni manualin e motorit për udhëzime të
vajosjes.
10. PASTRIMI
KUJDES: Mos e lani motorin me ujë me zorrë. Uji
mund të dëmtojë motorin ose të ndotë sistemin e
karburantit.
1. Pastrojeni platformën me leckë të thatë.
2. Pastroni me zorrë nën platformë duke e anuar
kositësen në mënyrë që kandela të jetë lart.
203