Íslenska - IKEA SKVALPA AA-1223101-3 Bedienungsanleitung

ÍSLENSKA
Settið inniheldur: 1 örtrefjamoppu með
plaststæði, 1 fötu með þvottavindu, 1
gluggasköfu, 1 útdraganlegt skaft, 1
fjölnota örtrefjaklút og 1 örtrefjaklút fyrir
glugga/gler.
Örtrefjar eru afar smáar vegna sérstakrar
meðhöndlunar þar sem þær eru
klofnar niður og því taka þær við meiri
óhreinindum, bakteríum og vökva en
venjulegar bómullartrefjar. Þetta þýðir að
þú getur þrifið hraðar og betur. Þú sinnir
líka umhverfinu því yfirleitt nægir að þrífa
með vatni. Ef óhreinindin eru mikil má
prófa að nota milt vistvænt hreinsiefni.
Notkunarleiðbeiningar
Moppa
Moppan hentar til þrifa á flestu gólfefni.
Gætið þess þó að nota ekki of mikið vatn
þegar viðargólf eru þrifin og passið að hella
ekki niður á gólfið þar sem það getur valdið
á því skemmdum.
Byrjið á að ryksuga eða sópa upp möl eða
stærri óhrienindum sem örtrefjarnar ná
ekki upp. Vindið moppuna vel í vindunni á
fötunni áður en hún er sett á gólfið.
Það er einfalt að stilla lengdina á
útdraganlegu skaftinu þannig að hún henti
þér vel. Snúið upp á skaftið, stillið lengdina
og snúið aftur til baka til að læsa skaftinu.
Gluggaskafa
Notið fjölnotaörtrefjaklútinn til að bleyta
gluggann og strjúka óhreinindi í burtu.
Strjúkið efst af gluggakarminum með
þurrum klút svo vatnið leki ekki niður og
myndi tauma á rúðunni. Fjarlægið svo allt
vatn með því að skafa rúðuna ofan frá og
niður, frá vinstri til hægri. Klárið með því
að þurrka gluggakarminn með þurrum
klút. Ef glugginn situr hátt er hægt að
festa gluggasköfuna á skaftið og ná þannig
hærra.
Fjölnota örtrefjaklútur
Fjölnota örtrefjaklútur er tilvalinn til að
þrífa hillur, vaska og salerni. Hann fjarlægir
óhreinindi og bakteríur á jafn skilvirkan
hátt og þvottaefni en bara með vatni. Viðrið
og þrífið á hefðbundinn hátt. Bleytið klútinn
með vatni ef nauðsyn krefur.
Örtrefjaklútur fyrir glugga/gler
Örtrefjaklúturinn fyrir glugga/gler er
tilvalinn til að þurrka og fægja glugga,
spegla og annað glansandi yfirborð. Þrífðu
fyrst yfirborðið og ljúktu með því að fægja
það með þurrum klútnum.
Umhirða
Þrífðu örtrefjaklútana og moppurnar oft.
Óhreinn klútur getur innihaldið bakteríur
og getur dreift óhreinindum í stað þess
að fjarlægja þau. Örtrefjaklútana og
moppurnar má þvo í vél á 60°C, í poka
ef mögulegt er. Gætið þess að nota
aldrei mýkingarefni - það fjarlægir
stöðurafmagnið úr klútunum, og þá loða
óhreinindin ekki lengur við þá.
Það er góð hugmynd að eiga nokkra auka
moppuhausa svo þeir klárist ekki í miðjum
þrifum. Munið líka að skipta um skítuga og
slitna moppuhausa og klúta við og við - góð
þumalputtaregla er að skipta um þá tvisvar
á ári. Auka SKVALPA moppuhausar eru
seldir sér.
9