Viking MB 248 Gebrauchsanleitung Seite 335

Përpara vënies në përdorim për
herë të parë duhen lexuar me
kujdes të gjitha udhëzimet e
përdorimit. Ruajini me kujdes
udhëzimet e përdorimit për t'i përdorur në
të ardhmen.
Respektoni këshillat e përdorimit dhe të
mirëmbajtjes, të cilat mund t'i merrni më
vete me udhëzimet e përdorimit për
motorin me djegie të brendshme.
Këto masa paraprake janë thelbësore për
sigurinë tuaj, por megjithatë lista nuk është
gjithëpërfshirëse. Gjithmonë përdoreni
pajisjen me kujdes dhe me ndjenjën e
përgjegjësisë dhe mos harroni se në çdo
rast përgjegjës për lëndimin e personave
të tjerë ose për dëmtimin e pronës së tyre
do të jetë përdoruesi.
Familjarizohuni me panelin e kontrollit dhe
me përdorimin e pajisjes.
Pajisja lejohet të përdoret vetëm nga ata
persona, të cilët kanë lexuar udhëzimet e
përdorimit dhe që janë familjarizuar me
pajisjen. Përpara vënies në përdorim për
herë të parë, përdoruesi duhet të marrë një
instruksion teknik dhe praktik. Përdoruesit
duhet t'i shpjegohet nga shitësi ose nga
ndonjë person tjetër me përvojë mënyra e
përdorimit të sigurt të pajisjes.
Gjatë instruksionit përdoruesit duhet t'i
bëhet e qartë se për të punuar me këtë
pajisje nevojiten në mënyrë të veçantë
kujdesi dhe përqendrimi maksimal.
Pajisja bashkë me të gjitha shtesat e saj
lejohet t'u kalohet ose t'u jepet vetëm
personave, të cilët janë të familjarizuar me
këtë model të pajisjes, si dhe me
përdorimin e saj. Udhëzimet e përdorimit
janë pjesë e pajisjes dhe gjithmonë duhet
të jepen bashkë me të.
0478 111 9822 C - AL
Përdoreni pajisjen vetëm kur jeni të
çlodhur, si dhe në gjendje të mirë fizike
dhe shpirtërore. Kur keni probleme
shëndetësore, duhet të pyesni mjekun tuaj
nëse është e mundur të punoni me
pajisjen. Nuk lejohet që të punoni me
pajisjen pas konsumimit të alkoolit ose të
marrjes së medikamenteve që mund të
ndikojnë në aftësinë e reagimit.
Asnjëherë mos lejoni që pajisjen ta
përdorin fëmijët ose të rinjtë nën moshën
16 vjeç. Rregullat lokale mund të
përcaktojnë moshën minimale për
përdoruesin.
Kjo pajisje nuk duhet përdorur nga
personat (përfshirë fëmijët) me aftësi të
kufizuara fizike, ndijore ose mendore ose
nga persona me mungesë përvoje
dhe/ose njohurish, në qoftë se ata nuk
mbikëqyren nga një person përgjegjës për
sigurinë e tyre ose nëse nuk marrin prej
tyre udhëzime për përdorimin e pajisjes.
Fëmijët duhen mbikëqyrur për të mos
lejuar që ata të luajnë me pajisjen.
Pajisja është menduar për përdorim
personal.
Kujdes – Rrezik aksidenti!
Korrësja e barit është menduar vetëm për
korrjen e barit. Çdo përdorim tjetër është i
papërshtatshëm dhe mund të jetë i
rrezikshëm ose mund të çojë në dëmtim të
pajisjes.
Për shkak të rrezikut të lëndimit fizik të
përdoruesit, korrësja e barit nuk lejohet që
të përdoret për punët e mëposhtme (listë
jo gjithëpërfshirëse):
– për krasitjen e gëmushave, të
shkurreve në gardhe dhe të kaçubave,
– për prerjen e bimëve kacavjerrëse,
– për përkujdesjen ndaj barit të bimëve të
mbjella në tarraca dhe në ballkone,
– për grirjen dhe zvogëlimin e materialit të
prerë të pemëve dhe gardhishteve,
– për pastrimin e rrugicave të kalimit
(thithja, fryrja),
– për nivelimin e pjesëve të ngritura të
tokës, si p.sh. vendet e ngritura të
krijuara nga urithët.
– për transportimin e mbeturinave të
prerjes, përveç atyre në shportën për
mbledhjen e barit të parashikuar për
këtë qëllim.
Për arsye sigurie ndalohet çdo ndryshim
në pajisje, me përjashtim të montimit
profesional të aksesorëve që lejohen nga
VIKING, sepse në të kundërt ky veprim do
të çonte në anulimin e kërkesës së
garancisë. Informacionin për aksesorët e
lejuar mund ta merrni te shitësi i
specializuar i VIKING.
Në mënyrë të veçantë ndalohet çdo
manipulim në pajisje, i cili ndryshon
rendimentin ose numrin e rrotullimeve të
motorit me djegie të brendshme ose të
elektromotorit.
Ndalohet transportimi me pajisjen i
objekteve, kafshëve ose i personave,
veçanërisht i fëmijëve.
Kujdes i veçantë duhet treguar gjatë
përdorimit në ambiente publike, parqe,
ambiente sportive, rrugë dhe gjatë
përdorimit në bujqësi ose pylltari.
Kujdes! Rrezik për shëndetin
nga dridhjet! Ngarkesa e tepërt
si rezultat i dridhjeve mund të
çojë në dëmtim të sistemit të
qarkullimit të gjakut dhe të nervave,
veçanërisht te personat me probleme
qarkullimi. Shkoni te një mjek nëse
shfaqen simptoma që mund të shkaktohen
si rezultat i ngarkesës nga dridhja.
333