ОДРЖУВАЊЕ
Надворешноста на греалката за вода (бојлерот) чистете ја со мека крпа и разредени средства за
чистење наменети за чистење мазни лакирани површини. Не употребувајте средства за чистење кои
содржат алкохоли или абразивни средства.
Со редовни сервисни прегледи ќе овозможите исправно работење и долг век на употреба на
греалката за вода (бојлерот). Гаранцијата за корозијата на котелот важи ако сте ги извршиле
пропишаните редовни прегледи за истрошеност на заштитните аноди. Периодот помеѓу поединечните
редовни прегледи не смее да биде подолг од наведеното во гарантната изјава. Прегледите мора
да ги изведуваат овластени сервисери кои ќе ви го евидентираат прегледот во гарантниот лист за
производот. Со прегледот се прегледува истрошеноста на антикорозивната заштитна анода и по
потреба се чисти бигорот што се набира во внатрешноста на бојлерот, во зависност од квалитетот,
количината и температурата на потрошената вода.
Не поправајте ги сами евентуалните дефекти на греалката за вода (бојлерот),
туку за нив известете ја најблиската сервисна служба.
Нашите производи се опремени со компоненти кои што не се штетни за животната средина
и здравјето и се изработени со можност што поедноставно да се расклопат и рециклираат во
последната фаза од нивниот работен циклус.
Со рециклирањето на материјалите ја намалуваме количината на отпад и ја намалуваме
потребата од производство на основни материјали (на пример метали), што бара огромна
енергија и предизвикува испуштање штетни материи. Со постапките на рециклажа ја
намалуваме потрошувачката на природни ресурси, бидејќи на тој начин можеме повторно да ги
вратиме отпадните делови од пластика и метали во различни производни процеси.
За повеќе информации во врска со системот за фрлање отпадоци посетете го својот центар за
исфрлање на отпадоците или трговецот каде што бил купен производот.
40