Bosch Intuvia BUI255 Originalbetriebsanleitung Seite 102

Íslenska – 2
Uppsetning
Rafhlaðan sett í rafhjólið og tekin úr því
Fylgja skal leiðbeiningunum í notendahandbók rafhlöðu
rafhjólsins um hvernig setja skal rafhlöðuna í rafhjólið og taka
hana úr því.
Hjólatölvan sett í og tekin úr (sjá mynd A)
Hjólatölvan (3) er sett í með því að ýta henni inn í festinguna
(4) að framan.
Til að taka hjólatölvuna (3) úr skal ýta á festinguna (14) og
ýta hjólatölvunni fram úr festingunni (4).
Þegar rafhjólinu er lagt skal taka hjólatölvuna af því.
u
Hægt er að læsa hjólatölvunni í festingunni svo ekki sé hægt
að taka hana úr. Til að gera það skal taka festinguna (4) af
stýrinu. Settu hjólatölvuna í festinguna. Skrúfaðu lásskrúfuna
(15) (M3-skrúfgangur, 8 mm á lengd) neðan frá í þar til
ætlaðan skrúfgang á festingunni. Settu festinguna aftur á
stýrið.
Athugaðu: Lásskrúfan er ekki þjófavörn.
Notkun
Skilyrði
Ekki er hægt að kveikja á rafhjólinu nema að eftirfarandi
skilyrði séu uppfyllt:
– Rafhlaða með nægilegri hleðslu er í rafhjólinu (sjá
notendahandbókina fyrir rafhlöðu rafhjólsins).
– Hjólatölvan hefur verið sett rétt í festinguna (sjá
„Hjólatölvan sett í og tekin úr (sjá mynd A)",
Bls. Íslenska – 2).
– Hraðaskynjarinn er rétt tengdur (sjá notendahandbók
drifeiningarinnar).
Kveikt og slökkt á rafhjólinu
Hægt er að kveikja á rafhjólinu með eftirfarandi hætti:
– Ef kveikt er á hjólatölvunni þegar hún er sett í festinguna
er sjálfkrafa kveikt á rafhjólinu.
– Þegar búið er að setja hjólatölvuna og rafhlöðuna á
rafhjólið skal ýta stuttlega á hnappinn til að kveikja/
slökkva á hjólatölvunni.
– Þegar búið er að setja hjólatölvuna á rafhjólið skal ýta á
hnappinn til að kveikja/slökkva á rafhlöðu rafhjólsins (um
getur verið að ræða sérstakar útfærslur framleiðanda
reiðhjólsins þar sem ekki er hægt að komast að
hnappinum til að kveikja/slökkva á rafhlöðunni; sjá
notendahandbókina fyrir rafhlöðu rafhjólsins).
Kveikt er á drifinu um leið og stigið er á fótstigið (nema þegar
teymingarhjálp er notuð eða stillt er á stuðningsþrepið OFF).
Afl drifsins fer eftir því hvaða stuðningsþrep er stillt á.
Við venjulega notkun er slökkt á stuðningi frá drifinu um leið
og hætt er að stíga á fótstigið eða um leið og hraðinn nær
25/45 km/h. Kveikt er sjálfkrafa aftur á drifinu um leið og
stigið er á fótstigið og hraðinn fer niður fyrir 25/45 km/h.
1 270 020 XBI | (29.05.2023)
Hægt er að slökkva á rafhjólinu með eftirfarandi hætti:
– Ýttu á hnappinn til að kveikja/slökkva á hjólatölvunni.
– Slökkva skal á rafhlöðu rafhjólsins með hnappinum til að
kveikja/slökkva á rafhlöðunni (um getur verið að ræða
sérstakar útfærslur framleiðanda reiðhjólsins þar sem
ekki er hægt að komast að hnappinum til að kveikja/
slökkva á rafhlöðunni; sjá notendahandbókina frá
framleiðanda reiðhjólsins).
– Taktu hjólatölvuna úr festingunni.
Ef ekki er óskað eftir afli frá drifinu í 10 mínútur (t.d. vegna
þess að rafhjólið er kyrrstætt) og ekki er ýtt á hnapp á
hjólatölvunni eða stjórnbúnaðinum á rafhjólinu slekkur
rafhjólið sjálfkrafa á sér.
eShift (aukabúnaður)
eShift felur í sér tengingu rafrænnar gírskiptingar við
rafhjólið. Rafmagnstengingu milli eShift-búnaðarins og
drifeiningarinnar er komið á hjá framleiðanda. Fjallað er um
notkun rafrænu gírskiptingarinnar í sérstakri
notendahandbók.
Rafmagnstenging hjólatölvunnar
Ef hjólatölvan er í festingunni (4), rafhlaða með nægilegri
hleðslu er á rafhjólinu og kveikt er á rafhjólinu er
hjólatölvunni séð fyrir rafmagni úr rafhlöðu rafhjólsins.
Þegar hjólatölvan er tekin úr festingunni (4) fær hún rafmagn
úr hleðslurafhlöðu í hjólatölvunni. Ef lítil hleðsla er á rafhlöðu
hjólatölvunnar þegar kveikt er á hjólatölvunni birtist <Attach
to bike> í textareitnum (d) í 3 sekúndur. Að þeim tíma
liðnum slekkur hjólatölvan aftur á sér.
Til að hlaða rafhlöðuna í hjólatölvunni skal setja hjólatölvuna
aftur í festinguna (4) (ef rafhlaða hefur verið sett í rafhjólið).
Kveiktu á rafhlöðu rafhjólsins með hnappinum til að kveikja/
slökkva (sjá notendahandbókina fyrir rafhlöðu rafhjólsins).
Einnig er hægt að hlaða hjólatölvuna í gegnum USB-tengið.
Þarf þá að taka hettuna (8) af. Tengdu USB-tengi (7)
hjólatölvunnar með viðeigandi USB-snúru við venjulegt USB-
hleðslutæki eða við USB-tengi á tölvu (5 V hleðsluspenna;
hám. 500 mA hleðslustraumur). Í textareitnum (d) á
hjólatölvunni birtist <USB connected>.
Kveikt/slökkt á hjólatölvunni
Kveikt er á hjólatölvunni með því að ýta á hnappinn til að
kveikja/slökkva (5). Einnig er hægt að kveikja á hjólatölvunni
þegar hún er ekki í festingunni (ef nægileg hleðsla er á
rafhlöðunni í hjólatölvunni).
Slökkt er á hjólatölvunni með því að ýta á hnappinn til að
kveikja/slökkva (5).
Ef hjólatölvan er ekki í festingunni slekkur hún sjálfkrafa á sér
til að spara rafmagn ef ekki er ýtt á neinn hnapp í 1 mínútu.
Ef þú munt ekki nota rafhjólið í nokkrar vikur skaltu
u
taka hjólatölvuna úr festingunni. Geyma skal
hjólatölvuna á þurrum stað við herbergishita. Hladdu
rafhlöðuna í hjólatölvunni reglulega (ekki sjaldnar en á
3 mánaða fresti).
Bosch eBike Systems