Íslenska - IKEA VAXER Bedienungsanleitung

ÍSLENSKA
Áður en þú byrjar þarftu:
• Gróðrarkassa
• Ræktunarhluti, rótarkubba 50 stykki
• Fræ fyrir vatnsræktun
• Um það bil 4,7 lítra af volgu vatni
Aðferð:
Þar sem almennur árangur er á milli 65%
og 90% þá er gott ráð að sá alltaf nokkrum
fræjum fleiri en þær plöntur sem þú vilt
rækta.
1. Fylltu bakkann í gróðrarkassanum að
MAX (hámark) línunni með volgu vatni.
2. Settu þann fjölda af rótarkubbum sem
þú þarft í vatnið og láttu þá liggja í bleyti
í 2 mínútur. Kubburinn þarf að blotna
alveg í gegn til þess að spírun verði.
3. Finndu götóttu grindina og settu vættu
kubbana í götin. Vertu viss um að flati
endinn á kubbunum fari fyrstur ofan í
götin. Fræið fer í V-laga endan.
4. Settu grindina á bakkann.
Ræktunarkubbarnir munu draga í sig allt
auka vatn svo þeir haldi raka sínum.
5. Settu fræ ofan á hvern ræktunarkubb.
Fylgdu leiðbeiningunum á fræpakkanum
til að sjá hversu mörg fræ þú þarft. Fræ
með harða skel, eins og kóríander, þurfa
að liggja í bleyti í 24 tíma áður en þeim
er sáð. Þetta flýtir fyrir ræktuninni.
6. Festu glært lokið á gróðrarkassann.
7. Passaðu að hella ekki vatninu þegar
þú setur kassann á gluggasilluna í
sólarljósið. Fræin þurfa að lágmarki
16 tíma af ljósi á dag. Ef lítið er af
náttúrulegu ljósi, t.d. á veturna, þá
er hægt að stilla upp ræktunarljósi
til að vera viss um að ungplönturnar
fái að lágmarki 16 tíma af annað
hvort sólarljósi eða tilbúnu ljósi, eða
samblöndu þar á milli.
8. Þú þarft ekki að hafa fyrir vexti fræjanna
nema þegar hitastigið fer upp fyrir 20
gráður. Hins vegar þarf að athuga stöðu
vatnsins daglega til þess að vera viss
um að það fari ekki niður fyrir MIN
(lágmarks) línuna. Það þarf að passa
að ungplantan þorni ekki eftir að búið
er að bleyta þær þar sem þær geta
dáið við það. Það þarf ekki að bæta við
áburði á þessu stigi þar sem fræið sjálft
inniheldur nóg af næringarefnum til að
byrja spírunarferlið.
9. Ungplantan ætti að hafa 2 opin lauf
innan 5-7 daga. Sumar plöntur, eins og
kóríander og steinselja, gætu tekið lengri
tíma. Til að skoða spírunartímann skal
skoða hvern fræpakka fyrir sig.
10. Ungplönturnar eru tilbúnar til
endurplöntunar þegar þær eru komnar
með 2 opin lauf. Sjá leiðbeiningar sem
fylgja ræktunarinnlegginu til að sjá
næstu skref, eða www.IKEA.is.
Þegar ekki er verið að rækta ungplöntur
í gróðrarkassanum þá er hægt að nota
spírubakkann til þess að rækta baunaspírur
fyrir salöt og pönnurétti. Hægt er að spíra
nánast hvaða gerð sem er af baunum og
sumar ætti að væta fyrst til þess að mýkja
skelina áður en þær spíra. Vertu viss um að
fylgja leiðbeiningum fyrir baunirnar sem þú
hefur valið að rækta og þrífa spírurnar vel
áður en þær eru borðaðar.
Áður en þú byrjar þarftu:
• Gróðrarkassa með spírubakka
• Um það bil 2,7 lítra af volgu vatni
• Þitt val af baunum
Aðferð:
1. Fylltu botninn á gróðrarkassanum með
volgu vatni upp að línunni merktri með
„1".
2. Settu spírubakkann með löngu raufunum
í botninn. Vatnið ætti að vera rétt undir
bakkanum.
3. Dreifðu baununum á bakkann. Baunirnar
ættu ekki að vera á kafi í vatni.
4. Festu glæra lokið á gróðrarkassann.
5. Spreyjaðu baunirnar með vatni á
hverjum degi þangað til að rætur byrja
að myndast, til að halda þeim rökum.
Sá tími sem það tekur fyrir baunirnar að
spíra fer eftir baununum sem þú valdir.
10