Bosch GSB 16 RE Professional Originalbetriebsanleitung Seite 136

136 | Македонски
Менување на главата за дупчење
Пред било каква интервенција на електричниот
u
алат, извлечете го струјниот приклучок од ѕидната
дозна.
Кај електричните алати без заклучување на вретеното
u
за дупчење, главата за дупчење мора да биде заменета
од страна на овластена сервисна служба за
електрични алати Bosch.
Демонтирање на главата за дупчење (види слика E)
Демонтирајте ја помошната рачка (7).
Ставете една челична чивија Ø 4 mm со околу 50 mm
должина во дупката на грлото од вретеното, за да го
блокирате вретеното за дупчење. Клучот со внатрешна
шестаголна глава (13) со краток крак зацврстете го во
брзозатегнувачката глава за дупчење (1).
Поставете го електричниот алат на стабилна подлога, на
пр. на работна клупа. Држете го цврсто електричниот
алат и олабавете ја брзозатегнувачката глава (1) со
вртење на клучот со внатрешна шестаголна глава (13) во
правец ➊. Со лесен удар на долгиот крак на клучот со
внатрешна шестаголна глава (13) се олабавува цврсто
вметнатата брзозатегнувачка глава за дупчење. Извадете
го клучот со внатрешна шестаголна глава од
брзозатегнувачката глава за дупчење и целосно одвртете
ја истата.
Монтирање на главата за дупчење (види слика F)
Монтажата на брзозатезната глава за дупчење (1) ќе ја
извршите по обратен редослед.
По извршената монтажа на главата за дупчење,
u
повторно извадете ја челичната чивија од дупката.
Главата за дупчење мора да биде зацврстена
со вртежен момент од околу 30 – 35 Nm.
Всисување на прав/струготини
Правта од материјалите како на пр. слоеви боја, некои
видови дрво, минерали и метал може да биде штетна по
здравјето. Допирањето или вдишувањето на таквата прав
може да предизвика алергиски реакции и/или
заболувања на дишните патишта на корисникот или
лицата во околината.
Одредени честички прав како на пр. прав од даб или бука
важат како канцерогени, особено доколку се во
комбинација со дополнителни супстанци (хромат,
средства за заштита на дрво). Материјалите што содржат
азбест смеат да бидат обработувани само од страна на
стручни лица.
– Погрижете се за добра проветреност на работното
место.
– Се препорачува носење на маска за заштита при
вдишувањето со класа на филтер P2.
Внимавајте на важечките прописи на Вашата земја за
материјалот кој го обработувате.
Избегнувајте собирање прав на работното место.
u
Правта лесно може да се запали.
1 609 92A 7YN | (06.07.2022)
Употреба
Ставање во употреба
Внимавајте на електричниот напон! Напонот на
u
изворот на струја мора да одговара на оној кој е
наведен на спецификационата плочка на
електричниот уред. Електричните алати означени
со 230 V исто така може да се користат и на 220 V.
Подесување правец на вртење (види слики G–H)
Активирајте го прекинувачот за менување на
u
правецот на вртење (3) само кога електричниот
алат е во мирување од.
Со прекинувачот за менување на правецот за вртење (3)
може да го промените правецот на вртење на
електричниот алат. Доколку прекинувачот за
вклучување/исклучување (5) е притиснат ова не е
возможно.
Десен тек: За дупчење и навртување на завртки
притиснете го прекинувачот за правец на вртење (3) на
левата страна нагоре и истовремено на десната страна
надолу.
Лев тек: За олабавување и одвртување на завртки и
навртки притиснете го прекинувачот за правец на вртење
(3) на левата страна надолу и истовремено на десната
страна нагоре.
Подесување на режимот на работа
Дупчење и одвртување
Поставете го прекинувачот (2) на ознаката
„Дупчење".
Ударно дупчење
Поставете го прекинувачот (2) на ознаката
„Ударно дупчење".
Прекинувачот (2) ќе се вклопи и може да се активира и
додека работи моторот.
Вклучување/исклучување
За ставање во употреба на електричниот алат
притиснете го прекинувачот за вклучување/исклучување
(5) и држете го притиснат.
За фиксирање на притиснатиот прекинувач за
вклучување/исклучување (5) притиснете го копчето за
фиксирање (4).
За да го исклучите електричниот алат, ослободете го
прекинувачот за вклучување/исклучување (5) одн.
доколку тој е блокиран со копчето за фиксирање (4),
кратко притиснете го прекинувачот за вклучување/
исклучување (5) и потоа отпуштете го.
Подесување на бројот на вртежи/удари
Бројот на вртежите/ударите на вклучениот електричен
алат може да го регулирате бесстепено, во зависност од
тоа колку подалеку ќе го притиснете прекинувачот за
вклучување/исклучување (5).
Bosch Power Tools